Ламин Ямал 2025/2026 йилги мавсумда «Барселона» сафида бошқа майдонга тушмайди. Иқтидорли футболчи бир неча кун олдин Испания чемпионати доирасидаги «Сельта»га қарши ўйинда жароҳат олган эди.
AS нашрининг хабар беришича, Ямал жароҳат олган заҳотиёқ яқинларига бу жуда жиддий бўлиши мумкинлигини айтган. Бироқ тиббий кўрик натижалари маълум бўлгач, Ламин енгил тин олди — у ЖЧ-2026 бошланишига қадар соғайиб улгуради.
Эслатиб ўтамиз, Жаҳон чемпионати 11 июнь куни старт олади. Испания терма жамоаси гуруҳ босқичида Кабо-Верде, Саудия Арабистони ва Уругвай термаларига қарши баҳс олиб боради. Қайд этиш лозимки, сўнгги учта мундиалда Испания 1/8 финалдан уёғига ўта олмаган.
