"Bavariya" bosh murabbiyi Tomas Tuxel mashg‘ulotlarda jamoaning yangi hujumchisi Xarri Keynni yuqori baholadi. Myunxenliklar boshqaruvchisi hujumchi Bundesliganing 1-turidan o‘rin olgan "Verder"ga qarshi o‘yinda asosiy tarkibda maydonga tushishini aytdi.
"Agar bugun hech narsa bo‘lmasa, Keyn "Verder"ga qarshi o‘yinda asosiy tarkibda maydonga tushadi. Uning mavjudligi barcha jamoadoshlariga ijobiy hissiy ta’sir ko‘rsatadi. U har bir mashg‘ulotda 100 foiz borini beradi. Uning ishga yondashuvi menga yoqadi. Bu ilhomlantiradi.
Biz u bilan hujumlarni yakunlash bo‘yicha bir nechta mashg‘ulotlarni o‘tkazdik, ular davomida Xarri o‘z mahoratini namoyish etdi - bu juda ta’sirli bo‘ldi", - deya Tuxelning so‘zlarini keltiradi Myunxen klubi matbuot xizmati.
Germaniya chempionati 1-turidan o‘rin olgan “Verder” – “Bavariya” uchrashuvi 18 avgust, juma kuni bo‘lib o‘tadi. O‘yin Toshkent vaqti bilan 23:30da boshlanadi.
