"Бавария" бош мураббийи Томас Тухель машғулотларда жамоанинг янги ҳужумчиси Харри Кейнни юқори баҳолади. Мюнхенликлар бошқарувчиси ҳужумчи Бундеслиганинг 1-туридан ўрин олган "Вердер"га қарши ўйинда асосий таркибда майдонга тушишини айтди.
"Агар бугун ҳеч нарса бўлмаса, Кейн "Вердер"га қарши ўйинда асосий таркибда майдонга тушади. Унинг мавжудлиги барча жамоадошларига ижобий ҳиссий таъсир кўрсатади. У ҳар бир машғулотда 100 фоиз борини беради. Унинг ишга ёндашуви менга ёқади. Бу илҳомлантиради.
Биз у билан ҳужумларни якунлаш бўйича бир нечта машғулотларни ўтказдик, улар давомида Харри ўз маҳоратини намойиш этди - бу жуда таъсирли бўлди", - дея Тухелнинг сўзларини келтиради Мюнхен клуби матбуот хизмати.
Германия чемпионати 1-туридан ўрин олган “Вердер” – “Бавария” учрашуви 18 август, жума куни бўлиб ўтади. Ўйин Тошкент вақти билан 23:30да бошланади.
