Angliya terma jamoasi va Londonning “Arsenal” klubi sobiq futbolchisi Teo Uolkott ijtimoiy tarmoqlari orqali futbolchilik faoliyatini yakunlaganini ma’lum qildi. Futbolchi 34 yoshida faoliyatini yakunlashga qaror qildi.
Hujumchining so‘nggi klubi "Sautgempton" bo‘ldi. Teo faoliyatini aynan shu jamoada boshlagan.
Uolkott faoliyatining ko‘p qismini "kanonirlar" tarkibida o‘tkazdi. Forvard londonliklar safida 397 ta o‘yinda qatnashib, 108 ta gol urdi va 80 ta golli uzatmani amalga oshirdi. Teo Angliya terma jamoasi safida 47 ta o‘yin o‘tkazib, 8 ta gol urgan.
Premyer-liganing o‘tgan mavsumida forvard 20 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
