"Manchester Yunayted" markaziy himoyachisi Erik Bayi tez orada Angliya Premyer-ligasining boshqa jamoasiga o‘tadi. Jurnalist Saymon Jonsning yozishicha, futbolchi Londonning “Fulxem” klubi bilan muzokaralar olib bormoqda.
Oldinroq Bayi "Manchester Yunayted" bilan shartnomani bekor qilishi mumkinligi haqida xabarlar tarqalgan edi. "Fulxem" bu transferni qaysi shartlar asosida amalga oshirishi hozircha noma’lum.
Erik o‘tgan mavsumda Fransiyaning "Marsel" jamoasida ijara asosida o‘ynadi, ammo oxir-oqibat provansliklar ivuarlik futbolchini doimiy ravishda sotib olishdan bosh tortdilar.