"Манчестер Юнайтед" марказий ҳимоячиси Эрик Байи тез орада Англия Премьер-лигасининг бошқа жамоасига ўтади. Журналист Саймон Жонснинг ёзишича, футболчи Лондоннинг “Фулхэм” клуби билан музокаралар олиб бормоқда.
Олдинроқ Байи "Манчестер Юнайтед" билан шартномани бекор қилиши мумкинлиги ҳақида хабарлар тарқалган эди. "Фулхэм" бу трансферни қайси шартлар асосида амалга ошириши ҳозирча номаълум.
Эрик ўтган мавсумда Франциянинг "Марсель" жамоасида ижара асосида ўйнади, аммо охир-оқибат провансликлар ивуарлик футболчини доимий равишда сотиб олишдан бош тортдилар.