«Arsenal» bosh murabbiyi Mikel Arteta himoyachi Aleksandr Zinchenko va hujumchi Gabriel Jezusning jarohatlari haqida gapirdi.
«Bu juda achinarli. Ammo biz bunga tayyor bo‘lishimiz kerak. Umid qilamanki, Aleksandr tez orada safga qaytadi.
Jezus? Gabriel hamon mashg‘ulot olib borgani yo‘q, lekin men uning qaytishini kutyapman», - dedi ispaniyalik mutaxassis.
Avvalroq Zinchenko «kanonirlar»ning umumiy guruhiga qaytgani haqida xabar berilgandi. Ukrainalik futbolchi boldirini shikastlangani uchun mavsum boshini o‘tkazib yubordi.
«Arsenal» navbatdagi o‘yinda «Kristal Pelas»ga qarshi maydonga tushadi.