«Bavariya» himoyachisi Yosip Stanishich Leverkuzenning «Bayer» klubiga ijara asosida o‘tishga yaqin turibdi, dedi Fabrisio Romano.

Manbaning xabariga ko‘ra, 23 yoshli xorvatiyalik shartnomani yakunlashdan avval tibbiy ko‘rikdan o‘tmoqda.

Stanishich 2017 yildan beri «Bavariya» tizimida o‘ynab kelmoqda. O‘shandan beri u myunxenliklar asosiy tarkibida 41 ta o‘yin o‘tkazib, 1 ta gol va 1 ta golli uzatmani amalga oshirgan.

Transfermarkt portali himoyachining bozor narxini 12 million yevroga baholamoqda.