«Barselona» transfer oynasi tugaguniga qadar yana bitta sotuvni amalga oshirmoqchi. Xavi Ernandes jamoaga boshqa yarim himoyachini olib kelish uchun bir forvardni sotmoqchi.
Diario SPORT xabariga ko‘ra, Bundesliga vakili «Bayer» Leverkuzen 21 yoshli vinger Abde uchun «Barselona»ga rasman murojaat qilgan, Xabi Alonso futbolchining ashaddiy muxlisi hisoblanadi.
Leverkuzenliklar doimiy transfer uchun 20 million yevro to‘lashga tayyor, «Barsa» esa bu taklifni o‘rganib chiqmoqda.
Abde La Liganing dastlabki ikki o‘yinida zaxiradan maydonga tushdi va ko‘proq o‘yin amaliyotiga ega bo‘lishni istaydi, u La Ligada raqobat kuchli ekanini biladi, ayniqsa Xavi bu mavsumda to‘rtta yarim himoyachidan foydalanishni rejalashtirgan.
