«Барселона» трансфер ойнаси тугагунига қадар яна битта сотувни амалга оширмоқчи. Хави Эрнандес жамоага бошқа ярим ҳимоячини олиб келиш учун бир форвардни сотмоқчи.
Diario SPORT хабарига кўра, Бундеслига вакили «Байер» Леверкузен 21 ёшли вингер Абде учун «Барселона»га расман мурожаат қилган, Хаби Алонсо футболчининг ашаддий мухлиси ҳисобланади.
Леверкузенликлар доимий трансфер учун 20 миллион евро тўлашга тайёр, «Барса» эса бу таклифни ўрганиб чиқмоқда.
Абде Ла Лиганинг дастлабки икки ўйинида захирадан майдонга тушди ва кўпроқ ўйин амалиётига эга бўлишни истайди, у Ла Лигада рақобат кучли эканини билади, айниқса Хави бу мавсумда тўртта ярим ҳимоячидан фойдаланишни режалаштирган.
