"Manchester Yunayted" "Bavariya" himoyachisi Benjamin Pavarni o‘z safiga jalb qilish urinishlaridan voz kechmoqda.

Fransiyalik futbolchi tez orada "Inter"ga o‘tishi kerak. Insayder Fabrisio Romanoning yozishicha, "Manchester Yunayted" rahbariyati Pavarning agentiga futbolchiga endi qiziqmasliklarini aytgan. “Qizil iblislar”ning qaroriga nafaqat 27 yoshli markaziy himoyachining “neradzurrilar” bilan kelishuvi, balki Xarri Maguayr uchun maqbul takliflarning yo‘qligi ham ta’sir ko‘rsatdi.

Benjamin Pavarning transferi, avvalroq OAVda e’lon qilinganidek, "Inter"ga 30 million yevrodan ko‘proq tushadi. Fransiyalik futbolchi italyan grandi bilan uzoq muddatli shartnoma borasida kelishib oldi.