"Манчестер Юнайтед" "Бавария" ҳимоячиси Бенжамин Паварни ўз сафига жалб қилиш уринишларидан воз кечмоқда.

Франциялик футболчи тез орада "Интер"га ўтиши керак. Инсайдер Фабрицио Романонинг ёзишича, "Манчестер Юнайтед" раҳбарияти Паварнинг агентига футболчига энди қизиқмасликларини айтган. “Қизил иблислар”нинг қарорига нафақат 27 ёшли марказий ҳимоячининг “нерадзуррилар” билан келишуви, балки Харри Магуайр учун мақбул таклифларнинг йўқлиги ҳам таъсир кўрсатди.

Бенжамин Паварнинг трансфери, аввалроқ ОАВда эълон қилинганидек, "Интер"га 30 миллион евродан кўпроқ тушади. Франциялик футболчи итальян гранди билан узоқ муддатли шартнома борасида келишиб олди.