"Flamengo"da to‘p tepayotgan hujumchi Pedro faoliyatini Rossiya Premyer-ligasida davom ettirishi mumkin. Sankt-Peterburgning "Zenit" klubi futbolchining xizmatlariga qiziqish bildirmoqda.
Braziliya matbuoti xabariga ko‘ra, yaqinda futbolchi va RPL chempioni vakillari o‘rtasida uchrashuv bo‘lib o‘tgan. Unda "ko‘k-oq-ko‘klar" forvardning transferi uchun 25 million yevro to‘lashga tayyor ekanliklarini e’lon qilishdi.
Avvalroq, Pedroga Saudiyaning "Al-Hilol" va Portugaliyaning "Benfika" klublari ham qiziqish bildirayotgani xabar qilingandi.
Forvard “Flamengo” safida 200 ta o‘yin o‘tkazib, 97 ta gol urgan.













