Ertaga O‘zbekiston superkubogi doirasida «Paxtakor» hamda «Nasaf» jamoalari o‘rtasidagi bahs bo‘lib o‘tadi.

O‘yinoldi matbuot anjumanida klubning braziliyalik hujumchisi Lima Kruz ham bahs oldidan o‘z fikrlarini bildirdi.

«Paxtakor» bilan qayd etilgan natijalar o‘tmishda qoladi. Statistikani o‘zgartirish vaqti keldi. Ertangi bahsga psixologik 100 foiz tayyormiz deb ayta olaman.

Chavez bilan raqobat haqida.

U bilan raqobat ancha ijobiy. Bu yil jamoa safiga ko‘plab legionerlar kelib qo‘shildi va barchamizning maqsadimiz bir xil, ya’ni klubga ko‘proq foyda berish.

Raqobat yaxshi narsa. Kim uchrashuv oldida yaxshi imkoniyatga ega bo‘lsa, o‘shanga maydonda ham imkoniyat beriladi, faqat jismoniy holati yaxshi bo‘lsa bas. Barcha legionerning xizmati jamoaga ko‘proq yordam berish. Hozir har 4 kunda o‘yin bo‘lib o‘tmoqda. Shunday ekan, har kim har xil holatda o‘yinlarga yetib keladi. Bu esa murabbiyning tanlovini yana ham rang-barang qiladi», – dedi Kruz.