"Yuventus" himoyachisi Leonardo Bonuchchi "Union Berlin"ga o‘tishga tayyor.

Avvalroq, 36 yoshli italiyalik nemis klubi taklifi bo‘yicha qaror qabul qilish uchun bir necha kun o‘ylab ko‘rish uchun vaqt so‘ragani haqida xabar berilgandi.

Shu yilning yozida “Yuventus” Bonuchchini asosiy tarkibdan chiqarib tashlagani va himoyachiga yangi klub izlashi mumkinligini ma’lum qilgan.

Bonuchchi "Yuventus"da 2018 yildan beri to‘p tepadi. U avvalroq 2010 yildan 2017 yilgacha jamoada o‘ynagan. U butun vaqt davomida jamoa uchun 502 o‘yin o‘tkazib, 37 gol urgan va 10 golga assistentlik qilgan.