"Ювентус" ҳимоячиси Леонардо Бонуччи "Унион Берлин"га ўтишга тайёр.
Аввалроқ, 36 ёшли италиялик немис клуби таклифи бўйича қарор қабул қилиш учун бир неча кун ўйлаб кўриш учун вақт сўрагани ҳақида хабар берилганди.
Шу йилнинг ёзида “Ювентус” Бонуччини асосий таркибдан чиқариб ташлагани ва ҳимоячига янги клуб излаши мумкинлигини маълум қилган.
Бонуччи "Ювентус"да 2018 йилдан бери тўп тепади. У аввалроқ 2010 йилдан 2017 йилгача жамоада ўйнаган. У бутун вақт давомида жамоа учун 502 ўйин ўтказиб, 37 гол урган ва 10 голга ассистентлик қилган.













