Fransiya terma jamoasi bosh murabbiyi Didye Desham Kilian Mbappening "PSJ"dagi o‘rni haqida o‘z fikrlarini bildirib o‘tdi.
“Vaziyat og‘ir edi, ammo hozir hammasi o‘z joyiga qaytdi. Menimcha, bu ajoyib. Bundan Fransiya terma jamoasi, Kilianning o‘zi va "PSJ" foyda ko‘radi.
Mbappeni yana "PSJ"da o‘ynashga undadimmi? Yo‘q, men aralashmayman, boshqa vazifalarim ham bor. Men u bilan boshqa o‘yinchilar kabi muloqot qilaman, ammo bu uning faoliyati. Agar so‘ralsa, maslahat bera olaman", - deb Desham so‘zlarini keltirmoqda L'Equipe.