"Manchester Siti" himoyachisi Emerik Laport "An-Nasr"ga o‘tishi munosabati bilan klub muxlislariga murojaat qildi.
29 yoshli ispaniyalik futbolchi ijtimoiy tarmoqlarda “Manchester Siti”dagi faoliyatidagi eng muhim voqealar aks etgan videoni joylashtirdi.
“Unutilmas besh yarim yil davom etdi. Qalbimda abadiy saqlaydigan juda ko‘p xotiralar. Ijobiy fikr yuritish har doim oson: sovrinlar, g‘alabalar, gollar, kurashlar va Premer-ligadagi yirik o‘yinlar. Ammo men yomon tomonlarini ham eslayman: jarohatlar va yo‘qotishlar, mag‘lubiyatlar va xatolarim.
Kuboklardan muvaffaqiyatsizliklargacha, g‘alabalardan jarohatlargacha bularning barchasi mening sayohatimning bir qismi bo‘ldi va men bugungi kundagi kimligimni shakllantirgan har bir lahza uchun juda minnatdorman.
Bu libosni kiyish men uchun sharaf va zavq edi, buning uchun meni eslaysiz degan umiddaman. Hammasi uchun yana bir bor rahmat. Kelajakda omad tilayman va sizlarni doim kuzatib boraman", - deb yozgan Laport.
Oldinroq himoyachi "An-Nasr" bilan 2026 yilgacha mo‘ljallangan shartnoma imzolashi haqida xabar berilgandi. Uning maoshi yiliga 25 million yevroni tashkil qiladi.
