Jurnalist Devid Ornshteynning so‘zlariga ko‘ra, "Bayer" yaqin vaqt ichida "Sautgempton" vingeri Natan Tell bilan shartnoma imzolashni yakunlamoqchi. Tomonlar 5 yillik shartnoma imzolaydi.

Unga ko‘ra, leverkuzenliklar 24 yoshli angliyalik uchun 20 million funt (taxminan 23 million yevro) to‘laydi. 26 avgust, shanba kuni futbolchi tibbiy ko‘rikdan o‘tish uchun Germaniyaga uchib ketadi.

O‘tgan mavsumda u "Byornli"da ijara asosida o‘ynadi. 45 o‘yinda u 19 ta gol urdi va 5 ta golli uzatmani amalga oshirdi.