"Manchester Yunayted" "Fiorentina" yarim himoyachisi Sofyan Amrabat uchun kurashda taslim bo‘lmayapti. Erik ten Xag shogirdlari marokashlik himoyachini transfer oynasi yopilguniga qadar o‘z safiga qo‘shib olmoqchi.
Jurnalist Janluka Di Marsioning yozishicha, "Manchester Yunayted" tovon puli miqdori bo‘yicha tezda kelishuvga erishish uchun "Fiorentina" bilan muzokaralarni boshlab yuborgan. Oldinroq “binafsharanglar” Amrabat uchun 25-30 million yevro talab qilishgan, chunki futbolchining shartnomasi tugashiga atigi bir yil qolgandi.
Amrabatning o‘zi "Manchester Yunayted"ga o‘tishga tayyor va klublar tovon puli bo‘yicha kelishib olishlarini kutishda davom etmoqda.