"Манчестер Юнайтед" "Фиорентина" ярим ҳимоячиси Софьян Амрабат учун курашда таслим бўлмаяпти. Эрик тен Хаг шогирдлари марокашлик ҳимоячини трансфер ойнаси ёпилгунига қадар ўз сафига қўшиб олмоқчи.

Журналист Жанлука Ди Марционинг ёзишича, "Манчестер Юнайтед" товон пули миқдори бўйича тезда келишувга эришиш учун "Фиорентина" билан музокараларни бошлаб юборган. Олдинроқ “бинафшаранглар” Амрабат учун 25-30 миллион евро талаб қилишган, чунки футболчининг шартномаси тугашига атиги бир йил қолганди.

Амрабатнинг ўзи "Манчестер Юнайтед"га ўтишга тайёр ва клублар товон пули бўйича келишиб олишларини кутишда давом этмоқда.