"An-Nasr"ning asosiy yulduzi Krishtianu Ronaldu Saudiya Arabistoni chempionatining Yevropaning yetakchi ligalari darajasiga chiqish niyatida ekanligini ma’lum qildi.
"Bu mamlakatda futbol jadal rivojlanayotganidan xursandman. Bu erga juda ko‘p ajoyib o‘yinchilar kelishdi. Kelajakda bu liga dunyoning eng yaxshisi bo‘ladi. Biz bu yo‘lni bosqichma-bosqich bosib o‘tamiz.
Bizning umumiy maqsadimiz bir xil. Biz Yevropaning eng kuchli chempionatlarida raqobatni o‘rnatishimiz va ulardan o‘zib ketishimiz kerak", - dedi 38 yoshli Ronaldu Saudi Gazette bilan suhbatda.
Krishtianuning "An-Nasr" bilan amaldagi shartnomasi 2025 yilning o‘rtalariga qadar tuzilgan.
