"Ан-Наср"нинг асосий юлдузи Криштиану Роналду Саудия Арабистони чемпионатининг Европанинг етакчи лигалари даражасига чиқиш ниятида эканлигини маълум қилди.
"Бу мамлакатда футбол жадал ривожланаётганидан хурсандман. Бу эрга жуда кўп ажойиб ўйинчилар келишди. Келажакда бу лига дунёнинг энг яхшиси бўлади. Биз бу йўлни босқичма-босқич босиб ўтамиз.
Бизнинг умумий мақсадимиз бир хил. Биз Европанинг энг кучли чемпионатларида рақобатни ўрнатишимиз ва улардан ўзиб кетишимиз керак", - деди 38 ёшли Роналду Saudi Gazette билан суҳбатда.
Криштианунинг "Ан-Наср" билан амалдаги шартномаси 2025 йилнинг ўрталарига қадар тузилган.
