"Vulverxempton" yarim himoyachisi Mateush Nunesh jamoa mashg‘ulotlarini o‘tkazib yubordi va uning transferi borasida muzokaralar olib borayotgan "Manchester Siti"ga o‘tish istagini bildirdi. Bu haqda The Athletic nashri xabar bermoqda.

Manbaga ko‘ra, endi 25 yoshli portugaliyalik futbolchi intizomiy jazoga tortiladi, agar transfer jarayoni amalga oshmasa, transfer oynasi yopilganidan keyin u umumiy guruhga qaytadi.

Insayder Fabrisio Romanoning so‘zlariga ko‘ra, "Manchester Siti" yangi taklif bilan chiqdi. Bu bonuslar bilan birga 60 million yevro, o‘tgan 50+5 million rad etildi.

"Bo‘rilar" o‘tgan yozda Nuneshni 42 million funtga sotib olgandi. O‘shandan beri u 41 ta o‘yin o‘tkazib, 1 ta gol va 1 ta golli uzatmani amalga oshirdi.