Hujumkor yarim himoyachi Aleksis Salemakers «Milan»dan «Bolonya»ga o‘tdi.
«Qizil-ko‘klar» o‘z sayti orqali 24 yoshli belgiyalik futbolchini 2023/2024 yilgi mavsum oxirigacha, keyinroq sotib olish imkoniyati bilan ijaraga olganini e’lon qildi.
Salemakers «Milan»da uch yil o‘ynadi. Bu vaqt ichida yarim himoyachi 140 ta o‘yin o‘tkazib, 10 ta gol urdi va 14 ta golli uzatmani sheriklariga yozdirib qo‘ydi.
Italiya chempionatining ikki turida «Bolonya» bor-yo‘g‘i bir ochkoni qo‘lga kirita oldi.
Jamoa A Seriyaning navbatdagi o‘yinini 2 sentyabr, shanba kuni o‘z maydonida «Kalyari»ga qarshi o‘tkazadi.
