Italiya A Seriyasining 3-turidan o‘rin olgan bahsda «Milan» safarda «Roma»ni mag‘lub etdi - 2:1. 9-daqiqada Olivye Jiru penaltini aniq amalga oshirib, hisobni ochdi.

Shu tariqa, fransiyalik futbolchi Italiya chempionatidagi uchinchi o‘yinda 4-golini urdi. Jiru 2001/02 yilgi mavsumdan buyon ushbu natijani qayd etgan ilk futbolchi bo‘ldi. O‘shanda Andrey Shevchenko A Seriyaning dastlabki uch turida 4 ta gol urgan edi.

Keyingi turda «Milan» derbida «Inter» bilan uchrashadi. O‘yin 16 sentyabr kuni bo‘lib o‘tadi.