«Fulxem» o‘zining rasmiy sayti orqali «Everton»dan yarim himoyachi Aleks Ivobi bilan shartnoma imzolaganini e’lon qildi. 27 yoshli nigeriyalik futbolchi London klubi bilan 5 yillik shartnoma imzoladi.

«Men hayajondaman, startni kuta olmayman. Bu yerda sayohatimni davom ettirishdan juda xursandman.

Marko Silva menga klubning ambisiyalari haqida gapirdi va men ularga qo‘shilaman. Umid qilamanki, bu klubga nimadir olib kelaman», - dedi yangi kelgan futbolchi.

2022/23 yilgi mavsumda Ivobi barcha turnirlarda 41 ta o‘yinda maydonga tushib, 2 ta gol urdi va 9 ta golli uzatmani amalga oshirdi.