«Фулхэм» ўзининг расмий сайти орқали «Эвертон»дан ярим ҳимоячи Алекс Ивоби билан шартнома имзолаганини эълон қилди. 27 ёшли нигериялик футболчи Лондон клуби билан 5 йиллик шартнома имзолади.

«Мен ҳаяжондаман, стартни кута олмайман. Бу ерда саёҳатимни давом эттиришдан жуда хурсандман.

Марко Силва менга клубнинг амбициялари ҳақида гапирди ва мен уларга қўшиламан. Умид қиламанки, бу клубга нимадир олиб келаман», - деди янги келган футболчи.

2022/23 йилги мавсумда Ивоби барча турнирларда 41 та ўйинда майдонга тушиб, 2 та гол урди ва 9 та голли узатмани амалга оширди.