«Chelsi» himoyachisi Trevo Chaloba yozgi transfer oynasining so‘nggi kunida «Nottingem Forest»ga o‘tishni rad etdi. Bu haqda jurnalist Fabrisio Romano xabar bermoqda.

Manbaga ko‘ra, klublar kelishuvga erishgan, biroq futbolchining o‘zi «Bavariya»ga o‘tishi amalga oshmay qolganidan keyin «Chelsi»da qolishga qaror qilgan. Qayd etilishicha, transfer summasi 25 million funt (taxminan 29,2 million yevro) bo‘lishi mumkin.

Eslatib o‘tamiz, Chaloba «Chelsi» tarbiyalanuvchisi hisoblanadi. 24 yoshli futbolchi «ko‘klar» safida jami 63 ta o‘yinda maydonga tushib, 4 ta gol urdi va bitta golli uzatmani amalga oshirdi.