«Челси» ҳимоячиси Трево Чалоба ёзги трансфер ойнасининг сўнгги кунида «Ноттингем Форест»га ўтишни рад этди. Бу ҳақда журналист Фабрицио Романо хабар бермоқда.

Манбага кўра, клублар келишувга эришган, бироқ футболчининг ўзи «Бавария»га ўтиши амалга ошмай қолганидан кейин «Челси»да қолишга қарор қилган. Қайд этилишича, трансфер суммаси 25 миллион фунт (тахминан 29,2 миллион евро) бўлиши мумкин.

Эслатиб ўтамиз, Чалоба «Челси» тарбияланувчиси ҳисобланади. 24 ёшли футболчи «кўклар» сафида жами 63 та ўйинда майдонга тушиб, 4 та гол урди ва битта голли узатмани амалга оширди.