Saudiya klublari Pol Pogbani o‘z safiga qo‘shib olmoqchi, ammo u «Yuventus»da qolmoqchi.
La Gazzetta dello Sport nashri xabariga ko‘ra, yarim himoyachiga «Al-Ahli» va «Al-Ittihod» klublari qiziqish bildirmoqda.
Ular Pogbani transfer oynasi 7 sentyabrda yopilguniga qadar ko‘chib o‘tishga ishontirishdan umidvor.
Pogba hali ham «Yuventus»da o‘zini ko‘rsatmoqchi va saudiyaliklarning qiziqishlariga qarshilik qilmoqda.
Shu bilan birga, «Yuventus» yarim himoyachining yuqori maoshini hisobga olgan holda uning ketishiga qarshi emas.
Avvalroq Pogba bilan «Galatasaroy» aloqaga chiqqan edi, biroq futbolchi muzokaralardan bosh tortdi va Turkiyaga ko‘chib o‘tishdan manfaatdor emasligini ochiq aytdi.
