"Chelsi"ning sobiq himoyachisi Uilyam Gallas "ko‘klar" hujumchisi Nikolas Jekson Premyer-liga mavsumida 20-25 ta gol urishga qodirligiga ishonmaydi.
"Premyer-ligada g‘alaba qozonish uchun "Chelsi"ga mavsumda 20-25 gol uradigan hujumchi kerak. Menimcha, Nikolas Jekson bu vazifani bajara olmaydi. Garchi men uni haqiqatan ham yaxshi yosh futbolchi deb bilsam ham, buni uning fazilatlaridan ham ko‘rish mumkin", - deya Gallasning so‘zlaridan iqtibos keltiradi jurnalist Saymon Fillips.
Eslatib o‘tamiz, Angliya Premyer-ligasining dastlabki to‘rt turida Jekson faqatgina "Luton" darvozasiga bitta gol urgan edi. Senegallik futbolchi yozda "Vilyarreal"dan 37 million yevro evaziga "Chelsi"ga o‘tgan edi.
