Londonning “Chelsi” jamoasi tarbiyalanuvchisi Konor Gallaxerga katta ishonch bildirmoqda. Jurnalist Fabrisio Romanoning so‘zlariga ko‘ra, “pensionerlar” kelajakda ingliz futbolchisi klub uchun juda muhim futbolchiga aylanishiga ishonch bildirmoqda.
Eslatib o‘tamiz, yozda "Chelsi" Gallaxerni 60-70 million yevroga sotishga tayyorligi haqida xabarlar tarqalgan edi. Futbolchiga "Vest Xem" va "Tottenxem" qiziqish bildirishdi, biroq bu jamoalarning hech biri kerakli miqdorda tovon puli to‘lay olmadi.
"Chelsi" bosh murabbiyi Maurisio Pochettino Premyer-liganing yangi mavsumining har to‘rt turida maydonga tushgan Gallaxerni maqtagani xabar qilingan.
