Лондоннинг “Челси” жамоаси тарбияланувчиси Конор Галлахерга катта ишонч билдирмоқда. Журналист Фабрицио Романонинг сўзларига кўра, “пенсионерлар” келажакда инглиз футболчиси клуб учун жуда муҳим футболчига айланишига ишонч билдирмоқда.
Эслатиб ўтамиз, ёзда "Челси" Галлахерни 60-70 миллион еврога сотишга тайёрлиги ҳақида хабарлар тарқалган эди. Футболчига "Вест Хэм" ва "Тоттенхэм" қизиқиш билдиришди, бироқ бу жамоаларнинг ҳеч бири керакли миқдорда товон пули тўлай олмади.
"Челси" бош мураббийи Маурисио Почеттино Премьер-лиганинг янги мавсумининг ҳар тўрт турида майдонга тушган Галлахерни мақтагани хабар қилинган.
