Statistik ma’lumotlarga tayangan holda APL 4-turidan o‘rin olgan bahslarda faol bo‘lgan futbolchilar xususida so‘z yuritamiz. Bunda o‘yinchilar maydondagi pozisiyalariga ko‘ra zarba yo‘llash, himoyaviy harakatlar, paslar, hujumdagi ishtirok hamda yakkakurashlardagi faollikka nisbatan baholanadi. Bunda 20dan 100gacha bo‘lgan shkalada natijalar hisoblanadi.
1. Evan Fergyuson – («Brayton» – «Nyukasl»)
Ketma-ket uchinchi haftadirki, «Brayton» o‘yinchisi bu ro‘yxatda yetakchilik qilmoqda (Solli March «bo‘rilar»ga qarshi bahsda, Paskal Gross esa «Vest Xem»ga qarshi o‘yinda reytingda birinchi o‘rinni egalladi) va bu safar ham ajablanarli emas.
«Brayton»ning iste’dodlarni aniqlash xususiyati bir muncha vaqtdan beri ma’lum edi. Evan Fergyuson – Irlandiya Respublikasi hujumchisi «Nyukasl» ustidan 3:1 hisobidagi g‘alabada xet-trik qayd etdi.
Fergyuson 18 yosh 318 kunligida Maykl Ouen, Robbi Fauler va Kris Bart-Uilyamsdan keyin Premyer-liganing bir o‘yinida uchta gol urgan eng yosh futbolchiga aylandi. Fergyuson bor-yo‘g‘i to‘rtta zarba berishga urinib ko‘rdi, ularning barchasi nishonga aniq bordi, uchtasi gol bo‘ldi, Poup ulardan faqat bittasini qaytara oldi. 0.8 XGdan 3 ta gol yaratish shunchaki super. Shuningdek, u 18 ta pasdan 17 tasini (94,4%) aniq amalga oshirdi va to‘qqizta dueldan 7 tasida (77,8%) g‘alaba qozondi. Uning kelajagi porloq ko‘rinmoqda.
2. Son Xyon Min – 99,7 («Byornli» – «Tottenxem»)
Mavsumning dastlabki haftalarida Risharlison «shporlar» uchun Xarri Keynning o‘rnini to‘ldirishi taxmin qilgan edi, ammo Son Xyon Min bu borada yetakchilikni o‘z qo‘liga oldi.
«Shporlar»ning yangi sardori ushbu o‘yinda chapdan o‘rtaga o‘tkazildi va Anje Postekoglu shogirdlari 5:2 hisobida g‘alaba qozondi. Son xet-trik qayd etdi.
Son klassik xet-trik qayd etdi – u gollarni boshi, o‘ng va chap oyoqlarida urishga muvaffaq bo‘ldi. Buning ustiga gollarning har biri uchun 24 daqiqa ketdi.
Uning Premyer-ligadagi to‘rtta xet-trigidan uchtasi safarda («Byornli», «Aston Villa» va «Sautgempton»ga qarshi o‘yinlarda) qayd etilgan. U Premyer-ligadagi so‘nggi uchta o‘yinida APLga chiqqan jamoalarga qarshi beshta gol urgan.
3. Erling Xoland – 97,1 (Manchester Siti – «Fulxem»)
Shanba kuni Erling Xoland ham xet-trik qayd etdi. Uning uchun bu deyarli odatiy ishga aylangan. Norvegiyalik futbolchi «Fulxem»ga qarshi o‘yinda (5:1) yana uchta gol urdi, ya’ni u Premyer-ligada atigi 39 ta o‘yinda 51 ta golda ishtirok etdi (42 gol, 9 golli uzatma). Bu bilan Erling «Nyukasl» va «Manchester Yunayted»ning sobiq futbolchisi Endryu Koulning rekordini yangiladi (43 o‘yin) va 50 lik dovonga eng tez yetib borgan futbolchiga aylandi.
Xoland Premyer-ligadagi beshinchi xet-trigini qayd etdi, ularning beshtasi ham «Etihad» stadionida sodir bo‘ldi. U bitta stadionda 5 va undan ortiq xet-trik qayd etgan futbolchilar beshligiga kirdi. Bungacha bu ishni uddalaganlar quyidagilar: Serxio Aguero («Etihad»da to‘qqizta), Tyerri Anri («Hayberi»da sakkizta), Alan Shirer («Evud Park»da yettita), Robbi Fauler («Enfild»da oltita).
U to‘pga bor-yo‘g‘i 17 marta teginishiga qaramay, o‘yinni uchta gol bilan yakunlashga muvaffaq bo‘ldi, ulardan faqat to‘rttasi «Fulxem» jarima maydoniga to‘g‘ri keldi.
4. Pedro Netu – 93,1 («Kristal Pelas» – «Vulvz»)
Pedro Netu uchun bir necha yil og‘ir kechdi, 2021 yilda tizzasidagi og‘ir jarohatdan tuzalib, keyingi yili to‘pig‘idan jarohat oldi. U maydonga tushishi mumkin bo‘lgan vaqt ichida formasini tiklash uchun kurashayotgani tushunarli, ammo yakshanba kuni u «Selhurst Park»da ajralib turdi.
Afsuski, «Kristal Pelas»ga «bo‘rilar» 3:2 hisobida mag‘lub bo‘lgani uchun uning harakatlari behuda bo‘ldi. Neto o‘yinda uchta imkoniyat yaratdi va «bo‘rilar»ning ikkala golini urgan Xvan Xi Chan hamda Mateus Kunyaga assistentlik qildi.
Faqatgina «Pelas» a’zosi Eberechi Eze (to‘rtta) o‘yinda undan ko‘ra ko‘proq imkoniyat yaratdi, Neto mehmonlar safida eng ko‘p zarba berishga harakat qildi (uchta) va ochiq zonadan sakkizta to‘pni kroos amalga oshirdi – o‘yindagi eng ko‘p.
5. Markus Reshford – 92,4 («Arsenal» – «Manchester Yunayted»)
Bu «Arsenal» muxlislariga yoqmasa kerak, lekin ha, Markus Reshford yakshanba kuni «Emireyts» stadionida bo‘lib o‘tgan to‘qnashuvda maydondagi eng yuqori baholangan futbolchi bo‘ldi.
Mikel Arteta shogirdlari 3:1 hisobida g‘alaba qozonishgan bo‘lsada, asosiy statistika Reshfordning ustunligiga ishora qilmoqda.
Garchi «Yunayted» o‘yinning ko‘p qismini orqada o‘tkazgan bo‘lsada, murabbiy Reshforddan unumli foydalana oldi, Angliya terma jamoasi futbolchisi jamoasining 10 ta zarbasidan beshtasiga mualliflik qildi, shu jumladan, Kristian Eriksen unga ajoyib uzatmani amalga oshirgandan so‘ng birinchi golni chiroyli tarzda urdi.
U hujumkor harakatda eng ko‘p ball ishladi (to‘qqizta) – zarba berish – 5 ta, vaziyatlar yaratish – 1 ta, zarbaga imkon yaratish – 3 ball.
