«Chelsi» mavsum boshida kam gol urmoqda va klub qishki transfer oynasida hujum chizig‘ini kuchaytirish haqida allaqachon o‘ylamoqda.
Evening Standard xabariga ko‘ra, «aristokratlar» yanvar oyida «og‘iz solgan» futbolchisi, «Brentford» vakili Ivan Tonini sotib olish haqida o‘ylashmoqda.
Ayni damda 27 yoshli Toni diskvalifikasiyani o‘tamoqda. May oyida futbolchi pul tikish qoidalarini buzgani uchun sakkiz oyga futboldan chetlashtirilgan edi. Diskvalifikasiya muddati 17 yanvarda tugaydi.
Nufuzli Transfermarkt portali ekspertlari Ivan Tonini 35 million yevroga baholamoqda.
