"Manchester Yunayted"ga egalik qiluvchi Gleyzerlar oilasi haligacha klubni sotish fikridan qaytgani yo‘q.
90min nashrining yozishicha, ishbilarmonlar ingliz gigantini sotish bo‘yicha muzokaralarni davom ettirmoqda.
Oldinroq Gleyzerlar oilasi ma’qul keladigan takliflar yo‘qligi sababli "Manchester Yunayted"ni sotishdan voz kechish niyatida ekani haqida xabar berilgandi. Xabar qilinishicha, Gleyzerlar kelishuvdan 11,67 milliard yevro ishlab olmoqchi.
To‘rt turdan keyin "qizil iblislar" olti ochko jamg‘arib, Angliya Premyer-ligasi turnir jadvalida 11-o‘rinda bormoqda.
Keyingi turda Erik ten Xag jamoasi "Brayton" bilan to‘qnash keladi.