"Real" yarim himoyachisi Braim Dias Marokash terma jamoasi sharafini himoya qilishi mumkin.
24 yoshli futbolchining Marokash terma jamoasiga chaqirilishi mumkinligi haqida avvalroq xabar berilgandi, biroq o‘shanda u aniq ma’lumotga ega emas edi. Marca nashri xabariga ko‘ra, yaqin oylarda Marokash futbol federasiyasi Diasni o‘z safiga taklif qilish borasida jadal ish olib borishni rejalashtirgan. Asosiy maqsad - yanvar oyida bo‘lib o‘tadigan Afrika Millatlar Kubogi oldidan "Real" futbolchisini terma jamoani o‘zgartirishga ko‘ndirish.
Braim Ispaniya terma jamoasi tarkibida bitta o‘yin o‘tkazgan, ammo bu uning kelajakda Marokashda o‘ynashiga to‘sqinlik qilmaydi, chunki bu uchrashuv norasmiy bo‘lgan.