"Barselona" sport direktori Deku klub moliyaviy qiyinchiliklarni qanday yengayotgani haqida gapirdi.
Iqtisodiy muammolarga qaramay, Kataloniya klubi Joau Feliks ("Atletiko Madrid") va Joau Kanseluni ("Manchester Siti") ijaraga oldi, shuningdek, Mark-Andre ter Shtegenni shartnomani uzaytirishga ko‘ndirdi.
“Bu oddiy emas. Futbolchilar bizga ularning yordami kerakligini tushunishlari kerak. Ikkala Joau ham buni uddaladi, Ter Shtegen ham shartnomani uzaytirdi (maoshini qisqartirish bilan). Bu bizga moliyaviy feyr-pley tizimiga moslashish va barqarorlikni saqlashga yordam berdi. Ro‘yxatda shunday ruhga ega futbolchilar bo‘lishi muhim. Aynan ularning sa’y-harakatlari tufayli biz bu kelishuvlarni yopishga muvaffaq bo‘ldik", - dedi Deku.
