"Барселона" спорт директори Деку клуб молиявий қийинчиликларни қандай енгаётгани ҳақида гапирди.

Иқтисодий муаммоларга қарамай, Каталония клуби Жоау Феликс ("Атлетико Мадрид") ва Жоау Канселуни ("Манчестер Сити") ижарага олди, шунингдек, Марк-Андре тер Штегенни шартномани узайтиришга кўндирди.

“Бу оддий эмас. Футболчилар бизга уларнинг ёрдами кераклигини тушунишлари керак. Иккала Жоау ҳам буни уддалади, Тер Штеген ҳам шартномани узайтирди (маошини қисқартириш билан). Бу бизга молиявий фейр-плей тизимига мослашиш ва барқарорликни сақлашга ёрдам берди. Рўйхатда шундай руҳга эга футболчилар бўлиши муҳим. Айнан уларнинг саъй-ҳаракатлари туфайли биз бу келишувларни ёпишга муваффақ бўлдик", - деди Деку.