"Chelsi" hujum chizig‘ini kuchaytirish imkoniyatlarini ko‘rib chiqishda davom etmoqda. Bu haqda Evening Standard nashri xabar bermoqda.

Manbaga ko‘ra, londonliklar yaqinlashib kelayotgan qishki transfer oynasida sof hujumchi transfer qilish niyatida. "Brentford" hujumchisi Ayvan Toni asosiy nomzod sifatida ko‘rsatilgan.

Shu yilning may oyida 27 yoshli hujumchi pul tikish qoidalarini buzgani uchun 8 oyga futboldan chetlashtirilgan edi. Futbolchining diskvalifikasiya muddati 16 yanvarda tugaydi.

2022/2023 yilgi mavsumda Toni "Brentford" safida barcha musobaqalarda 35 ta o‘yinda maydonga tushib, 21 ta gol va 5 ta golli uzatmani amalga oshirgan.