"Челси" ҳужум чизиғини кучайтириш имкониятларини кўриб чиқишда давом этмоқда. Бу ҳақда Evening Standard нашри хабар бермоқда.
Манбага кўра, лондонликлар яқинлашиб келаётган қишки трансфер ойнасида соф ҳужумчи трансфер қилиш ниятида. "Брентфорд" ҳужумчиси Айван Тони асосий номзод сифатида кўрсатилган.
Шу йилнинг май ойида 27 ёшли ҳужумчи пул тикиш қоидаларини бузгани учун 8 ойга футболдан четлаштирилган эди. Футболчининг дисквалификация муддати 16 январда тугайди.
2022/2023 йилги мавсумда Тони "Брентфорд" сафида барча мусобақаларда 35 та ўйинда майдонга тушиб, 21 та гол ва 5 та голли узатмани амалга оширган.
