4 sentyabr kuni 2024 yilning aprel-may oylarida Qatarda o‘tkaziladigan 23 yoshgacha bo‘lgan futbolchilar o‘rtasidagi Osiyo kubogining saralash bosqichi start berildi. Saralash bahslari markazlashgan holda o‘tkazilishidan xabaringiz bor. O‘zbekiston o‘rin olgan "E" GURUHI uchrashuvlari 6-12 sentyabr kunlari Toshkentda bo‘lib o‘tadi. Jamoamiz o‘zining barcha o‘yinlarini 6, 9 va 12-sentyabr kunlari soat 19:00da JAR stadionida o‘tkazadi.
Jamoalar 11 guruhga bo‘lingan (10 ta guruhda 4 tadan, 1 guruhda 3 ta jamoa). O‘zbekiston olimpiya terma jamoasi "E" guruhida Eron, Gonkong va Afg‘oniston musobaqaning final bosqichi uchun kurash olib boradigan bo‘ldi.
"A" GURUHI
1. Iordaniya (mezbon)
2. Suriya
3. Ummon
4. Bruney Darussalom
"B" GURUHI
1. Janubiy Koreya (mezbon)
2. Myanma
3. Qirg‘iziston
4. Qatar
"C" GURUHI
1. Vyetnam (mezbon)
2. Singapur
3. Yaman
4. Guam
"D" GURUHI
1. Yaponiya
2. Bahrayn (mezbon)
3. Falastin
4. Pokiston
"E" GURUHI
1. O‘zbekiston (mezbon)
2. Eron
3. Gonkong
4. Afg‘oniston
"F" GURUHI
1. Iroq
2. Kuvayt (mezbon)
3. Sharqiy Timor
4. Makao
"G" GURUHI
1. Birlashgan Arab Amirliklari
2. Hindiston
3. Maldiv orollari
4. Xitoy (mezbon)
"H" GURUHI
1. Tailand (mezbon)
2. Malayziya
3. Bangladesh
4. Filippin
"I" GURUHI
1. Avstraliya
2. Tojikiston (mezbon)
3. Laos
4. KXDR
"J" GURUHI
1. Saudiya Arabistoni (mezbon)
2. Kamboja
3. Livan
4. Mo‘g‘uliston
"K" GURUHI
1. Turkmaniston
2. Indoneziya (mezbon)
3. Xitoy Taypeyi
Guruh g‘oliblari va guruhda 2-o‘rinni egallaganlar orasida eng yaxshi ko‘rsatkichga ega bo‘lgan 4 jamoa Osiyo kubogi yo‘llanmasini qo‘lga kiritadi. (Qatarning saralash bosqichida o‘yinlari o‘rtoqlik maqomida bo‘ladi — uning natijalari jadvalda aks ettirilmaydi). Guruhlardagi eng yaxshi 2-o‘rin sohibini aniqlashda dastlab ochkolar, keyin esa to‘plar nisbati va urilgan gollar inobatga olinadi. Shu bois, olimpiyachilarimiz Eron bilan so‘nggi turgacha guruhdan minimum 2-o‘rin bilan chiqish imkoniyatimizni yaxshilash uchun dastlabki ikki o‘yinda ko‘proq gol urishga va darvozasi dahlsizligini saqlashga harakat qilishlari kerak.
Eslatib o‘tamiz, U-23 Osiyo kubogi musobaqasi Parij-2024 olimpidadasi uchun yo‘llanmasi beruvchi turnir hisoblanadi. Qatarda kuchli uchlikka kirishimiz talab etiladi.
Qatardagi bahslar JCHni o‘zida qabul qilgan 4 ta stadionda o‘tkaziladi («Al-Bayt», «Al-Tumama», «Education City» arenalari).
