Ukraina futbol assosiasiyasi (UFA) bilan bog‘liq korrupsiya mojarosining yangi tafsilotlari to‘planmoqda.

UFA bosh prokurori Yuriy Zapisoskiy ehtiyot chorasini uzaytirish bo‘yicha ishni ko‘rib chiqish chog‘ida Ukrainadagi professional futboldagi hakamlik tizimining sobiq kuratori Pyerluidji Kollinaga pul to‘langani aytilayotgan hujjatlarni taqdim etdi. Football Hub nashri ma’lumotlariga ko‘ra, qog‘ozlarda afsonaviy hakamning soxta imzosi paydo bo‘lganiga barcha belgilar mavjud.

"2015 yilning 18 iyunida mart oyidan beri Andriy Pavelko rahbarlik qilgan o‘sha paytdagi UFA Ukraina hakamlik tizimi kuratori Kollina bilan yangi shartnoma imzoladi. Biroq 2015 yilning 1 iyulida qo‘shimcha kelishuv imzolanib, unga ko‘ra Kollinaning maoshi 678 ming yevroga oshirilgan. Va bu yerda shunchaki miya portlashi mumkin: ushbu ikki shartnomada Kollinaning imzolari tubdan farq qiladi! 2015 yil 1 iyuldagi qo‘shimcha kelishuvga ko‘ra, Kollinaning imzosi uning haqiqiy imzosiga umuman o‘xshamaydi", — deyiladi nashrda.