«Manchester Yunayted»ning sobiq futbolchisi Teddi Sheringem jamoa bosh murabbiyi Erik ten Xag va vinger Jeydon Sancho o‘rtasidagi vaziyatga baho berdi.
Eslatib o‘tamiz, Ten Xag Sanchoning «Arsenal» bilan o‘yin uchun qaydnomaga kirmaganini futbolchining yaxshi tayyorgarlik ko‘rmagani bilan izohlagan edi. Jeydon bunga javoban ijtimoiy tarmoqlarda bunday emasligini aytdi.
«Hozir jamoada muammolar bordek. Men Ten Xagning Sancho haqidagi so‘zlaridan hayratda qoldim. Buning qandaydir sababi bo‘lsa kerak.
Aleks Fergyuson ham shunday qilardimi? Yo‘q. Har holda, bunday holatlar juda kamdan kam uchraydi.
Qancha ko‘p sir saqlasangiz, jamoani boshqarish osonroq bo‘ladi», - dedi Sheringem.
