«Манчестер Юнайтед»нинг собиқ футболчиси Тедди Шерингем жамоа бош мураббийи Эрик тен Хаг ва вингер Жейдон Санчо ўртасидаги вазиятга баҳо берди.
Эслатиб ўтамиз, Тен Хаг Санчонинг «Арсенал» билан ўйин учун қайдномага кирмаганини футболчининг яхши тайёргарлик кўрмагани билан изоҳлаган эди. Жейдон бунга жавобан ижтимоий тармоқларда бундай эмаслигини айтди.
«Ҳозир жамоада муаммолар бордек. Мен Тен Хагнинг Санчо ҳақидаги сўзларидан ҳайратда қолдим. Бунинг қандайдир сабаби бўлса керак.
Алекс Фергюсон ҳам шундай қилардими? Йўқ. Ҳар ҳолда, бундай ҳолатлар жуда камдан кам учрайди.
Қанча кўп сир сақласангиз, жамоани бошқариш осонроқ бўлади», - деди Шерингем.