Nufuzli futbol insayderi Fabrisio Romano "Liverpul"ning yozgi transfer oynasidagi ishi haqida o‘z fikri bilan o‘rtoqlashdi.
"Liverpul" transferlari? Makallister, Soboslai, Endo va Gravenberxning 160 million yevroga xarid qilinishi jamoa yarim himoyasini yangilash uchun ajoyib ish. Men klubni bunday xarid bilan tabriklashim mumkin”, dedi Romano.
APLda to‘rt turdan so‘ng “Liverpul” o‘n ochko to‘pladi va APL turnir jadvalida uchinchi o‘rinni egallab turibdi. Yurgen Klopp shogirdlari navbatdagi uchrashuvini 16 sentyabr, shanba kuni “Vulverxempton”ga qarshi o‘tkazadi.