«Ash-SHabab»ning yangi a’zosi Yannik Karrasko nima uchun Saudiya Arabistoni jamoasiga o‘tishga qaror qilganini aytdi.
Eslatib o‘tamiz, belgiyalik futbolchi «matraschilar» bilan shartnomasi yakuniga bir yil qolganiga qaramay «Atletiko»ni tark etdi.
«Men faqat iqtisodiy sabablarga ko‘ra bu qarorga keldimmi? Qaror barcha omillarni hisobga olgan holda qabul qilindi. Axir, futbolchilik ham bir kasb», - deya Karraskoning so‘zlaridan iqtibos keltiradi La Colchoneria.
Eslatib o‘tamiz, Karraskoga avvalroq «Barselona» qiziqish bildirgandi, ammo klub belgiyalik futbolchini transfer qilish uchun yetarli mablag‘ga ega emas edi.
