Kazemiro Fernando Diniz qo‘l ostida Braziliya terma jamoasining doimiy sardori bo‘ladi.

"Manchester Yunayted"ning 31 yoshli yarim himoyachisi sardorlik bog‘ichini faqat Boliviya bilan JCH-2026 saralash o‘yini (5:1) oldidan taqishini bilgan.

UOL xabariga ko‘ra, Kazemiro terma jamoa sardori bo‘lib qoladi, hech bo‘lmaganda Karlo Anchelotti kelguncha, lekin uning o‘zi buni hali bilmaydi.

Yarim himoyachi "Selesao"ning eng tajribali o‘yinchilaridan biri bo‘lib, undan himoyachi Danilogina (32 yosh) kattaroq.

Hozirgi tarkibdagi futbolchilar orasida Kazemiro Braziliya terma jamoasi safida o‘yinlar soni bo‘yicha (92) uchinchi o‘rinni egallab turibdi. Neymar 134 ta o‘yin bilan peshqadamlik qilmoqda, Markinyosda esa 106 ta o‘yin bor.

Madridning “Real” klubi bosh murabbiyi Karlo Anchelotti Amerika Kubogi-2024 musobaqasidan keyin Braziliya terma jamoasini boshqaradi. U Kazemironi Madrid klubidagi faoliyatidan yaxshi biladi.