"Real"ning sobiq futbolchisi Garet Beyl Jud Bellingemning "Qirollik klubi"dagi debyut o‘yinlariga baho berdi. Eslatib o‘tamiz, 20 yoshli angliyalik futbolchi Ispaniya chempionatining 4ta o‘yinida 5ta gol va 1ta golli uzatmani amalga oshirgan.
“Bellingem “Real”dagi faoliyatini ajoyib boshladi. Ko‘p o‘yinlarni ko‘rmadim, lekin u juda ko‘p gol urdi, bu "Real"dek klub uchun juda muhim. U yaxshi harakat qilmoqda va umid qilamanki, u kelajakda ham xuddi shunday ruhda davom etadi", - dedi Beyl Sky Sports bilan suhbatda.
Madridning “Real” klubi yozda “Borussiya”ga Bellingem uchun 103 million yevro to‘lagan. Angliyalik futbolchida faoliyatini davom ettirish uchun boshqa variantlar ham bor edi, ammo yakunda “Real”ni tanladi.
